Blogelakoa

AZKENENGO AGURRA

2008-06-27T17:47:00.008+02:00

Agur, bai!
Amaitu da ikasturtea eta denetarik eduki dugu. Gauza onak, gauza txarrak, momentu onak, beste batzuk ez hain onak, baina orokorrean esango nuke ez dela izan urte txarra.

Ni, oso pozik egon naiz Birjinetxen eta datorren urtean ez naiz egongo, baina beti izango dut nire barruan hemen pasatutako ikasturte zoragarri hauek.

Batzutan zuen irakaslea naizen honek zarata pila egin du, eta zarata egin ondoren pentsatzen zuen, "ño, uste dut agian pasatu naizela baina ea zerbaiterako balio duen". Eta bai, batzutan baliogarria izaten zen, beste batzutan ba, ez.

Ikasle batzuk ez dira hain zintzo ibili, beste batzuk bai, dantza pila egin dugu, irteerak ere ugari eduki ditugu, pena da Donostiakoa, (gaixorik jarri nintzen), marrazki bizidunak ere egin ditugu, (ea irabazten dugun lehiaketa), eta uste dut pozik ibili garela denok orokorrean, bai zuek eta baita ni ere.

Kostatuko zait Tokio Hotel ahaztea, eta graffitiak, eta egindako marrazkiak, eta niri ikasle batek oparitutako ipuin liburu bat, (berak idatzitako ipuin bat daukana barruan), eta azkenengo eguneko negarrak, (egia esan ostegunean hasi zineten batzuk negarrekin), eta nola etorri zineten ostiralean bazkaldu ondoren, negarrez, azkenengo agurra ematera irakasle gelara eta irten ginen irakasle batzuk eta han denak pasiloan emozioekin, (alde batetik pozik oporrak zetozelako, beste alde batetik oso triste agurra suposatzen zuelako).
Hau dena eta beste gauza batzuk, txarrak ere bai, ez pentsa, kostatuko zait ahaztea.

Espero dut bihotz bihotzez datorren urtetik aurrera egongo zareten lekuan ondo ibiltzea, eta ez ahaztu beti izango zaretela nire ikasleak.

Badaukazue nire helbide elektronikoa eta nahi duzuenean idatzi.
Erantzungo dudala arin edo berandu ez eduki zalantzarik.

AGUR eta ondo izan! Mesedez, ikasi asko eta ez ibili triste, alaiak izan beti, zaudeten tokietan!

AGUR ba.

Joselu

Mikrofonoz eta altu esan nahi nuke: AGUR eta ikusi arte.

Ondo ibili!

Heldu zen azken eguna.

2008-06-22T09:44:00.016+02:00

Heldu zen eguna, eta nahiz eta batzuk oso pozik egon oporrak zetozela eta, beste batzuk ez ginen egon hain pozik, bagenekielako agurrak egongo zirela.

Dena den, eta negarrak alde batera utzita, oso ondo pasatu genuen azkenengo egunean, denetarik egon zen gure jaialdian:
Lasterketak, jolasak, musika, diplomak, karate, euskal dantzak, dominak, gozokiak, gailetak, freskagarriak, opariak, dantzak (por fin dantzatu genuen Tokio Hotel), eta hau dena eguzkipean, baina berdin zen, ondo pasatu genuen.

Guraso asko etorri zen gure jaialdia ikustera eta baita ere ikasle ohiak, (hauek etortzea niri pertsonalki poztu egiten nau, esan nahi duelako gustora egon zirela bere garaian Birjinetxen).

Uste dut azkenengo agurrak gelara joan ginenean ez ditugula hain erraz ahaztuko, baina dena den, orain bizitzaren hurrengo pauso bat eman beharra dago, eta seguru nago aurrera egingo dutela gure ikasleek.

Hemendik eman nahi nituzke nire agurrik beroenak nirekin egon diren ikasleei eta gurasoei.
Agur eta ondo izan! Etorri nahi duzuenean!

Gure agurrik beroenak bihotz bihotzez!

Donostiara

2008-06-22T09:15:00.007+02:00

Maiatzaren 29an Donostiara joan ginen. Autobusez joan ginen eta Aladdin filma ikusi genuen.
Autobusatik jeitsi eta gero tren txu-txura igo ginen eta Donostiako tokirik garrantzitsuenak ikusi genituen.

Gero Akuariumera joan ginen baina oraindik ez zitzaigun tokatzen eta batzuk bazkaltzera joan ginen eta beste batzuk Begorekin paseo bat ematera joan ginen.

Akuariumera sartu ginen eta han marmokak, morenak, marrazoak, pirañak, dordokak, itsas-zaldiak eta abar ikusi genituen.
Gehien bat gustatu zitzaiguna izan zen nola jaiotzen diren marrazoak, poltsa batean jaio dira eta han bederatzi hilabete egoten dira gizakiok bezala.

Azkenean akuario taktil batera joan ginen, ez genuen arrainik ukitu, baina errazenak ziren ukitzeko itsas trikua eta itsas pepinoa, eta hauek bai ukitu genituen.

Amaitu genuenean jatera joan ginen berriro, autobusa hartu genuen eta 16.25ean heldu ginen eskolara.

Birjinetxeko Euskeraren Astea 2008

2008-05-27T15:31:00.011+02:00

Gure eskolan Euskeraren Astea maiatzaren 19tik 23ra izan zen.
Astelehenean, txupinazoa eta jokoak genituen baina euria izan zenez, egun horretan haur hezkuntzako umeentzat zinema egin genuen eta pelikula “Lagundu, arraina naiz” izan zen.

Asteartean, bai, hor izan zen txupinazoa eta jokoak. Pregoneroak Unai eta Ane izan ziren, eta oso ondo egin zuten.
Asteazkenean ipuin kontalaria izan genuen eta guri iruditu zitzaigun aspergarria eta uste dugu ez zela guretzat aproposa, baizik eta txikientzat. Baina klase normala galdu genuen, je, je...

Ostegunean, hamarretan, irratsaioa izan zen, Maria eta Isaac izan ziren aurkezleak. Gero Cristina eta Christianek elkarrizketa bat izan zuten Idoia irakaslearekin eta gure gelako guztiek alegiak kontatu genituen.

Ostegunean, arratsaldean, “Nork xaxatu du Roger Rabitt?” pelikula ikusi genuen.

Ostiralean jaialdia egin genuen eta Jessica eta Jennifer izan ziren aurkezleak.
Gure gelakoak dantza bi egin zuten: “Eskutitza” eta “Eusko dance mix”.
Egia esan ez zitzaigun oso ondo atera, baina uste dugu lotsagaitik izan zela.
Ea hurrengoan hobeto egiten dugun.

Gora Birjinetxe!!!

Lapurriketan.

2008-04-30T15:48:00.011+02:00

Lapurriketara joan ginen 2008ko apirilaren 25ean. Horretarako autobusa hartu genuen eskola aurrean eta Lapurriketara abiatu ginen. Lapurriketa Diman dago. Ordubeteko bidaia egin genuen gutxigorabehera eta batzuentzat luze egin zen.

Ailegatzean egongela batera pasatu ginen eta han banandu egin gintuzten.

Batzuk negutegira joan ziren lehenengo eta beste batzuk ogia egitera.

Negutegian ikasi genuen landareak nola hasten diren, erein genuen landare bat gero etxera ekartzeko, ea...

Ogia egiten ere joan ginen, baina amaitu baino lehen bazkaltzera deitu ziguten, bazkalordutik bueltatzerakoan, gure ogia labean sartu zuten, bestela ezin izango genuen etxera eraman.

Gero animaliak ikustera joan ginen: ardiak, astoak, oiloak, paumak, indioilarrak, eta txerriak ikusi genituen.

Azkenean libre geratu ginen eta jolastera joan ginen, baina alde egin baino arinago ogia eta landarea kutxa baten barruan sartu genuen eta autobusara sartu ginen.

Horrela amaitu zen gure eguna Lapurriketan.
Zoragarria izan zen.

Ilustratzaile bat Birjinetxen.-

2008-04-30T11:34:00.006+02:00

Aurton ilustratzaile bat ekarri dugu gure eskolako liburutegira.
2008ko apirilaren 24an etorri zen Jose Tellaetxe Isusi eta berarekin elkarrizketatxo bat eduki genuen.
Jose Tellaetxe Isusi ilustratzaileak bazeukan teoria bat :
Denok izan ahal garela marrazkilari onak eta hori erakusteko froga bat egin zuen.
Froga izan zen marrazki bat kopiatzea, batek hankaz gora kopiatzen zuen marrazkia eta besteak ostera zuzen.
Zein izan zen emaitza? Ba, hankaz gora kopiatu zuenak detaile eta berezitasun gehiago jarri zizkion marrazkiari, besteak ostera, eta burmuinako ezkerreko hemisferioaren eraginez, topiko asko irudikatzen zuen eta ez zegoen hainbeste detaile baizik eta estereotipoak marrazten zituen.

Berak esaten zuena zen eskumako hemisferioa garatu behar genuela gehiago, detaile eta berezitasun horiek kontutan hartzeko.

Noski, hori eta lan egitea.

Ordu bat eta erdi egon zen gurekin eta azkenean sinatu zituen hainbat marrazki eta guk ekarritako liburu bat ere bai.

Marrazki bizidunak. ZINEBI.

2008-04-23T15:22:00.030+02:00

Ba bai, hasi gara marrazki bizidunak egiten. Horretarako erabiliko duguna da ordenagailua, plastilina, webcam batzuk eta gero material desberdina: kartulinak, margoak, errotulkiak.

Guri laguntzen daudenak Oskia eta Aiora dira, hauek azaldu digute nola egiten diren marrazkiak, adibideak ikusi ditugu, material gehiena ekarri digute...
Orain arte hiru egun egon gara eta horrela moldatu gara:

-Lehenengo egunean taldeak egin, (hiru egin ditugu). Marrazki bizidunak nola egiten diren ikasi genuen eta adibideak ikusi genituen. Pertsonaiak pentsatu eta sortu egin behar genituen marrazkien bidez.

-Bigarren egunean plastilinarekin egin behar izan genituen aurrez pentsatutako pertsonai hoiek. Hurrengoa izan zen gure izenaren letrak egin eta animatu.

Izena eginda gero animatzeko.

Agertuko diren pertsonai desberdinak.

-Hirugarren egunean historia asmatu behar genuen eta marrazkien bidez eta biñetakin adierazi din a3 paperean. Eszenatokia egiteko zapata kutxa bat erabili genuen eta kartulinak, papera, e.a... erabili genuen apaintzeko.

Hemen dago historia bat din a3an.

Hona hemen gure gelan egindako hiru eszenatoki eta bere pertsonaiekin.

Ekainaren 12an etorri ziren Aiora eta Oskia eta ekarri ziguten DVDak marrazki bizidunekin.

Ikusi nahi baduzue gure marrazki bizidunak, hona hemen lotura:

http://www.birjinetxe.es/ikastetxea/video/zinebi.htm

Antton Kazabon gure eskolan.

2008-04-23T06:46:00.022+02:00

Apirilaren 8an Antton Kazabon idazlea etorri zen gure eskolako liburutegira.
Baina lehenengo bere liburu bat irakurri genuen: Momolo.
Izenburua: Momolo
Egilea: Antton Kazabon Amigorena
Argitaletxea: Ibaizabal
Argitalpen data: 2000
Ilustratzailea: Andoni Odriozola
Bilduma: Matxinsalto
Orri kopurua: 88 orrialde
Laburpena: Kontuz, irakurle! Ipuin hau ez dugu idatzi zuri ideia bihurriak emateko, gero. Ez horixe! Momolok, derrigortuta egin ditu deabrukeria horiek guztiak, gelako lagunek errespeta eta maita dezaten.Beraz, zuk ez egin horrelakorik, oso, oso, oso beharrezkoa ez bada, behintzat.

Antton Kazabon Oiartzunen jaio zen 1954an. Maisu-ikasketak egin zituen. Haurtzaro ikastolan lanean hasi eta 1991 arte aritu zen bertan. 1994 arteko hiru urte hoiek Gipuzkoako Ikastolen Elkartean egin zuen lan Bertsolaritza ikastetxeetan izeneko proiektuan, ikasmateriala sortzen, irakasleak prestatzen eta bertso eskolak koordinatzen. Ikasleei irakurtzeko zaletasuna pizteko ahaleginetan, irudiz jositako kontakizun laburrak argitaratzen hasi zen orain dela 20 urte. Geroztik jenero gehienak landu ditu oiartzuarrak. Narrazioa, poemak, bertsoak...Guztira 44 liburu kaleratu ditu orain arte, gehienak haur eta gazte literaturakoak direlarik.
· 1987 Letrak bertsotan.1,2,3 Elkar
· 1988 Proxpero Elkar
· 1991 Proxpero Donostian Elkar
· 1991 Proxperoren lagunak Elkar
· 1992 Pottolo pilotaria Ikastolen Elkartea
· 1992 Txirri, Mirri eta Txiribiton Oporretan Elkar
· 1992 Txirri, Mirri eta Txiribiton Herriko festetan Elkar
· 1994 Pelu Elkar
· 1994 Txirri, Mirri eta Txiribiton Igeltsero Elkar
· 1994 Txirri, Mirri eta Txiribiton eskolan Elkar
· 1994 Ortzadarraren azpitik Erein
· 1995 Koskotenekoak Sendoa-Auspoa
· 1995 Bazen behin, behin bazen Elkar
· 1996 Jose Joakin Mitxelena bertsolaria Sendoa-Auspoa
· 1996 Pottoloren zazpi aurpegiak Ikastolen Elkartea
· 1997 Haize-orratza Elkar
· 1997 Gau sua Landare-Euskadiko Kutxa
· 1998 Ttantto Ibaizabal
· 1998 Izar baten gainean Desclée de Brouwer
· 1998 Eguzkilore Alfaguara-Zubia
· 1998 Balantx Elkarlanean
· 1999 Kazkazuri Sendoa
· 1999 Xenpelar Sendoa
· 2000 Momolo I baizabal
· 2000 Lanbro Gero-Mensajero
· 2000 Kanpai hotsak isiltzean Desclée de Brouwer
· 2000 Pernando Amezketarra Sendoa
· 2000 Bakoiztari berea Sendoa
· 2000 Matte-matte Gero-Mensajero
· 2000 Kilikolore Elkarlanean
· 2001 Fila Gero-Mensajero
· 2002 Emozioen kuliska Elkar
· 2002 Etxola txuriko izpiritua Descleé de Brouwer
· 2002 Txara txikia Ibaizabal
· 2002 Niko eta Txoriko Gara
· 2002 Yon Oñatibia Bidegileak -E.Jaurlaritza-
· 2003 Urtziren diarioa Ibaizabal
· 2003 Kaixo, Kattin Elkar
· 2003 Erotik Aizkorri
· 2003 Toto eta Otsoto Descleé de Brouwer
· 2003 Niko eta Potiko Gara
· 2004 Pirtzina zilborrean Elkar
· 2004 Hitzak eta lumak Desclée de Brouwer
· 2004 Armiarma zuhaitzean Aizkorri
· 2004 Azkeneko txantxana Ibaizabal
· 2005 Koloretxo Descleé
· 2005 Zigarrotxoa ahoz aho Descleé
· 2005 Gure amona Lutxi Gero-Mensajero
· 2005 Anpolai gorriak Ibaizabal
· 2006 Irrikaren distira Pamiela
· 2006 Niko eta zaldiko Gero
· 2006 Errekak su Descleé
· 2006 Mattinen haserrea Aizkorri
· 2006 Elurrezko pilotak Aizkorri
· 2006 Txoria txori Ibaizabal
· 2007 Atearen atzean Elkar
· 2007 Nire ahizpa aluita Elkar
· 2007 Elorriren irribarrea Ibaizabal
· 2007 To, Mieltxo Descleé
· 2007 Zanbuloko sonanbulua Aizkorri

Antton Kazabon liburuak sinatzen eta eskuman galderak erantzuten.

Esan beharra dago galdera asko egin geniola, eta nahiko “airoso” irten zen.
Galderak era guztietakoak izan ziren: Ea zergaitik idatzi zuen Momolo izeneko liburua, ea non bizi zen, zenbat urte zituen, ea liburuan agertutako bihurrikeriak berak eginda bazituen ala ez..., noiz idatzi zuen liburu hau, non egiten zuen lan, ea bihurriak ziren bere ikasleak, ezkonduta bazegoen ala ez...
Gainera lehiaketa bat ere egon zen: aho-korapiloak ere irakurtzen saiatu ginen.
Eta amaitzeko eta arratsaldea ziztu bizian berarekin pasatu ondoren gure liburuak sinatu zituen banan banan, eta oso pozik joan ginen bakoitza gure gelara.

TAILERRAK

2008-04-01T15:32:00.007+02:00

Martxoaren 10etik 14ra euskeraren astea izateaz gain ere bai izan zen tailerren astea.
Eta zer egin genuen tailerretan?
Ba, papera, yogurta eta berziklatzeko ontziak izeneko tailerrak eduki genituen.
Lehenengo, martxoan, asteazkenean, 12an, papera egin genuen, horretarako egunkariak behar izan genituen, gero moztu egin genuen egunkaria zati txiki txikitan eta irabiatu egin genuen, gero kolorea eman eta koladorean ipini genuen.
Atera genuen masa eta rodilloarekin zapaldu genuen, azkenean paperaren artean ipini genuen eta lehortzen utzi genuen. Hurrengo egunean han geneukan papera eginda eta gure artean banandu genuen papera. Hor daukazue argazkian nola geratu zen papera.

Hurrengo egunean, 13an yogurta egin genuen, lehenengo txarla
teorikoa izan genuen eta gero bai, yogurta egin genuen, esnearekin, kolorantea eta zaporearekin, horretarako beste yogurt bat erabili genuen eta dena nahastu ondoren, gelan utzi genuen berogailuaren azpian han tenperatura ona izateko eta pixka bat gorputza hartzeko.
Hurrengo egunean ikusi genuen eta ez, ez zegoen ondo eginda, beste egun bat utzi genuen eta bai, azkenean eginda zegoen, baina nazka pixka bat eman zigun yogurt horrek eta gehienok ez genuen probatu. Hor dago argazkia yogurta egiten.

Ostegunean 14an arratsaldez, ontzien berziklapen tailerra tokatu zitzaigun, eta han teoria pixka bat eman ondoren hasi ginen gauzak egiten berziklatutako objektuekin. Denetarik dago eta hemen argazkian daukazue adibide bat.

Euskeraren astea

2008-04-01T12:07:00.009+02:00

Txurdinaga-Santutxuko Euskeraren astea martxoaren 10tik 14ra izan zen.
Eskola askok hartu zuten parte, eta noski, gu ere hor egon ginen.

Euskeraren astean tailerrak ere egin genituen, papera, yogurta eta berziklapenaren tailerrak.

Hasteko, asteartean, goizeko 9:30etan “Ave maria” eskolara joan ginen kantagintza egitera.
Gure eskola izan zen lehenengoa kantagintza egiten , guk “Idoia edo eskutitza” kanta egin genuen.

4. mailakoek ere joan ziren gurekin eta hauek “Ken zazpi” taldeko “Ilargia” abestu zuten.
Baina ez pentsa gu bakarrik egon ginela han, ez, eskolan asko egon ziren han kantagintza saioan.
Luis Briñas, Mina del Morro, Ave maria eta gu, Birjinetxekoak egon ginen han.

Hemen daude Ave Mariakoak abesten.

Asteazkenean eta ostegunean tailerrak eduki genituen eta hor ere ondo pasatu genuen.

Ostiralean polikiroldegira joan ginen eta han dantza batzuk egin
genituen. Jende eta eskola asko elkartu ginen han.

Gizon bat zegoen “como maestro de ceremonias” eta harek esaten zigun nola dantzatzen zen entzutako musika.

Musika zuzenean zen, talde bat zegoen musika jotzen eta musika estiloa euskal-folk zen.
Borobilak, kadenetak, ilarak, pausoak, binaka, e.a... denetarik egin genuen.
Gustora egon ginen baina hurrengorako ea musika pixka bat modernoagoa ipintzen duten.

Dena den, esperientzi polita eta goiza arin arin joan zitzaigun.
Hori bai, dantza eta dantza egon ginen geratu barik eta azkenean pixka bat ere nekatu ginen.

Bide hezkuntza

2008-03-05T15:58:00.011+01:00

Otsailaren 28an Bide Hezkuntza egitera joan ginen.

Ia hilabete osoa egon zen euririk egin gabe eta ... kasualitatea!

Hor egunean zirimiri antzerakoa zegoen.

Deitu ziguten eskolara eta galdetu ziguten ea joango ginen ala ez, eta gure erabakia izan zen baietz.
Ze pozik joan ginen! Etorri zen udaltzain bat gure bila hor goian ikusten duzuen autobusean eta hor joan ginen.

Ikasi genuen gauza asko, lehenengo teoria pixka bat galderak asmatzen eta gero etorri zen politena: ibilbide bat zegoen eta han bizikletak hartu eta seinaleak eta zebrabideak errespetatuz zirkulatu behar genuen.

Txarto egiten bagenuen, bost minutu oinez ibiltzea tokatzen zitzaigun.

Egia esan, oso ondo pasatu genuen eta gure irakasleek esan ziguten primeran portatu ginela han ondoan zegoen eskolako umeak gu probokatzen egon zirelako, baina guk kasurik ere ez genien egin eta azkenean aspertu egin ziren eta barrura sartu ziren.

Batzutan kasurik ez egitea da onena! Hemen ikusten da hori.

EITBra bisitaldia

2008-03-05T07:38:00.011+01:00

2008ko otsailaren 11an EITbko eraikuntza berria ikustera joan ginen.

Nortzuk joan ginen?

4. D, 5. eta 6. D gelakoak.

Horretarako eskolatik eguerdiko ordu bietan irten ginen eta buelta bostak laurden gutxiagotan egin genuen.

Gehien harritu gintuena han sartu ginenean seguritate neurriak izan ziren: Lehenengo, NAN eraman behar izan zuten gure irakasleek. Gero debekatu ziguten argazkiak ateratzea barruan, bai uzten zuten kanpoko "hall" antzerakoan, baina barruan ez. Tarjeta gorria eman ziguten handik irtetzeko.

Han etorri zen Goizane izeneko langile bat eta bera izan zen gure bisitaldiko gida.

Bisitaldia burutzeko bi talde egin genituen, talde batek "la jungla sonora" irratsaioa entzuten zuen eta beste taldea eraikuntza barrutik ikustera joan zen.

Benetan harrigarria izan zen han ikusi genuena:

Kable pila, ordenagailuz beteta zegoen, eta jende asko han lanean.
"Plato" bat ere ikusi genuen, Teleberri programa egiten dute egunero plato horretan.
Konturatu ginen eraikuntza modernoa zela, oso handia, erraldoia.

Joan etorria metroz egin genuen, eta uste dugu merezi izan zuela baina agian gauza gehiago ikusteko gogoarekin geratu ginen EITBko bisitaldi honetan.

Ihauteriak Birjinetxen

2008-03-05T07:17:00.008+01:00

Birjinetxen aurton ihauteri multikulturalak egin ditugu. Gaia zen:

Munduko herrialde desberdinak.

Denetarikoa egon zen: indiarrak, eskimalak, mejikarrak, afrikarrak, egipziarrak, tailandiarrak, e.a...

Hasteko, egun batzuk arinago mozorroa prestatzen egon ginen, eta ez bakarrik hori, dantza ere prestatu behar izan genuen. Eta ze dantza egipziarrekin bat egiteko?

Ba lehenengotik aukeratu genuen BANGHRAren "la danza del vientre".

Iruditzen zitzaigun oso abesti martxoso eta aproposa dantza egiteko. Aste bitan eta zazpi, zortzi ensaio egin ondoren prest geneukan gure dantza.

Beraz, 5. eta 6. mailakoek egipziarrez joan ginen.

Egipziarren mozorroa egiteko behar genuen:
Mutilena egiteko: Plastiko horia eta zinta beltzarekin egin genuen burukoa, gero hartu genuen suge bat gezurrezkoa eta gero pegatinak ipini genizkion sugeari eta gero urrezko tirarekin itsatsi genuen, gerrikoa egin genuen plastiko batekin eta gero pegatina ipini genion gerrikoari.
”Taparrabos” plastikoarekin egin genuen eta gero itsatsi genuen gerrikoarekin eta oso ondo gelditu zitzaigun mozorroa.
Neskarena egiteko: Burukoa beltza zen eta gero errotulki “fluoreszente” batekin marrazki batzuk egin genizkion. Beste guztia berdina zen.

Dantza polit bat egin genuen. BANGHRArena.

Ihauteriak oso politak dira baina
lotsa pixka bat pasa daiteke
Eroskira joan ginen baina ni
ia jausi nintzen kaletik.

Aurkezpena.

2008-02-16T09:48:00.023+01:00

Hemen dago gure bloga:

Nortzuk gara?
Birjinetxe eskola publikoko 5. eta 6. D ereduko ikasleak gara.
11 ikasle gara: 7 neska, 4 mutil eta maisua.

Gaur egun teknolojia berriei esker gure iritziak eta egiten ditugun gauzak munduari zabaltzeko aukera dugu.
Hauek dira blog honen helburuak:

Eskolan eta gelan egiten ditugun gauza batzuk zabaltzea mundura eta zuei batez ere.

Teknolojia berriak erabiltzea eta beldurra kentzea hauek erabiltzen.

Euskera erabiltzea.

Testu laburrak eta luzeak ere maneiatzen eta antolatzen ikastea.

... eta ...

Ilusio handiarekin hasten gara eta espero dugu zuen gustokoa izatea.

Oraindik hasten gaude baina apurka apurka joango gara gauza berriak sartzen, eta eskolako gauza interesgarrienak hemen edukiko dute lekutxo bat.

Eskolako irteerak, ihauteriak, euskal astea, eta horrelako gertaerak nola joan diren eta argazkiak ikusteko aukera ere izango duzue gure blogan: "blogelakoa" n.

5. eta 6. D ereduko ikasleak.

ONGI ETORRI!